சிறுபான்மையினருக்கு எதிரான குற்றங்கள் குறைந்துள்ளன – ப.சிதம்பரம்

by **முஸ்லிம்** Thu Dec 15, 2011 7:18 pm

புதுடெல்லி:கர்நாடகா, மத்தியபிரதேசம்,
ஒடீஸா, குஜராத் ஆகிய மாநிலங்களில் சிறுபான்மையினருக்கு எதிரான குற்றங்கள்
குறைந்துள்ளதாக மத்திய உள்துறை அமைச்சர் ப.சிதம்பரம் தெரிவித்துள்ளார்.
இவ்வாண்டு அக்டோபர் மாதம் வரை பதிவுச்செய்த இத்தகைய வழக்குகள் 170 ஆக
குறைந்துள்ளது என ப.சிதம்பரம் மாநிலங்களவையில் தெரிவித்தார்.

கர்நாடகா, மத்திய பிரதேசம், ஒடீஸா,
குஜராத் ஆகிய மாநிலங்களில் சிறுபான்மையினருக்கு எதிரான குற்றங்கள்
அதிகரித்துள்ளது என்பது உண்மைக்கு புறம்பானதாகும். கடந்த ஆண்டு அக்டோபர்
வரையிலான காலக்கட்டத்தில் இம்மாநிலங்களில் 204 வகுப்பு மோதல்கள்
நடந்துள்ளன. இம்முறை 170 ஆக குறைந்துவிட்டது. இந்தியாவில் சமூக ஐக்கியத்தை
நிலைநாட்ட மாநில அரசுகளுக்கு மத்திய அரசு உதவி வருகிறது. இவ்வாறு
ப.சிதம்பரம் தெரிவித்தார்.

சிறுபான்மையினருக்கு எதிரான குற்றங்கள் குறைந்துள்ளன – ப.சிதம்பரம் Logoto