இந்தியா,ஆப்கனுடன் பாகிஸ்தான் நல்லுறவைப் பேணவேண்டும் - சீனா!

by **முஸ்லிம்** Sun May 22, 2011 1:57 pm

சீனாவுக்குப் பயணம் மேற்கொண்ட பாகிஸ்தான் பிரதமர் கிலானியிடம், இந்தியா மற்றும் அமெரிக்காவுடன் பாகிஸ்தான் நல்லுறவைப் பேணவேண்டும் என்று சீன பிரதமர் மற்றும் அதிபர் விருப்பம் தெரிவித்ததாக நியூஸ் டெய்லி நாளிதழ் தெரிவித்துள்ளது.

அமெரிக்காவுடனும் உள்ள உறவில் உருவாகியுள்ள தடைகளை அகற்ற முயற்சிக்க வேண்டும் என்றும் சீனத் தலைமை வலியுறுத்தியுள்ளது.மேலும் பாகிஸ்தானில் பயங்கரவாத அச்சுருத்தல் வளர்வது கவலைதருவதாகவும் தெரிவித்ததாக இஸ்லாமாபாத் செய்தியாளர் தெரிவித்ததாக பிடிஐ செய்தி வெளியிட்டுள்ளது.

சீனப்பிரதமர் வென் ஜியாபாவோ மற்றும் அதிபர் ஹூ ஜிண்டாவோ ஆகியோர்,பாகிஸ்தானின் தேசிய பாதுகாப்பு, ஒருமைப்பாடு,இறையாண்மை ஆகியவற்றைக் காப்பாற்ற முழுமையான ஆதரவுதர சீனா உறுதியளித்துள்ளனர். சீனாவில் தனது அரசுமுறை சுற்றுப் பயணத்தை முடித்துக்கொண்ட பாகிஸ்தான் பிரதமர் கிலானி நேற்று நாடு திரும்பினார்.

இந்நேரம்