எகிப்து:துணை பிரதமர் ராஜினாமா

by **முஸ்லிம்** Wed Oct 12, 2011 1:53 pm

கெய்ரோ:ராணுவத்துடன் நடந்த மோதலில் 26
காப்டிக் கிறிஸ்தவர்கள் கொல்லப்பட்டதை கண்டித்து எகிப்தில் துணை பிரதமர்
ஹஸன் அல் பப்லவி பதவியை ராஜினாமா செய்துள்ளார். இடைக்கால பிரதமர் எஸ்ஸாம்
ஷரஃபிடம் தனது ராஜினாமா கடிதத்தை அவர் அளித்துள்ளார்.

போராட்டத்தை கையாண்டதில் வீழ்ச்சி
ஏற்பட்டதை கண்டித்து தான் ராஜினாமா செய்வதாக அவர் தனது கடிதத்தில்
குறிப்பிட்டுள்ளார். இத்தகையதொரு அரசில் தன்னால் பணியாற்ற இயலாது என அவர்
தனது கடிதத்தில் சுட்டிக்காட்டியுள்ளதாக அவரது உதவியாளர் கூறுகிறார்.
தற்போது எகிப்தின் நிதியமைச்சராகவும் பப்லவி பதவி வகிக்கிறார். பப்லவியின்
ராஜினாமாவை உறுதிச்செய்த தேசிய தொலைக்காட்சி அதற்கான காரணத்தை
விளக்கவில்லை.