அத்வானி, மோடி தமிழக முதல்வர் ஜெயலலிதாவுடன் சந்திப்பு?

by **முஸ்லிம்** Fri Jan 13, 2012 6:58 pm

நாளை நடைபெற இருக்கும் சோ ராமசாமியின் துக்ளக் பத்திரிகை ஆண்டு விழாவில் பங்கேற்க வரும் பாஜக மூத்த தலைவர் அத்வானி மற்றும் குஜராத் முதல் அமைச்சர் நரேந்திர மோடி ஆகியோர் தமிழக முதல் அமைச்சர்ர் ஜெயலலிதாவைச் சந்திக்க இருப்பதாக தகவல்கள் வெளியாகியுள்ளன.

துக்ளக் பத்திரிக்கையின் ஆண்டு விழா நாளை நடைபெற இருக்கிறது. இதில் கலந்து கொள்ள பாஜக மூத்த தலைவர்களில் ஒருவரான அத்வானியும் குஜராத் முதல் அமைச்சர் மோடியும் தமிழகம் வர இருக்கின்றனர்.

இந்நிலையில், நாளை அவர்கள் தமிழக முதல் அமைச்சர் ஜெயலலிதாவைச் சந்தித்துப் பேசுவர் என தகவல்கள் வெளியாகியுள்ளன. எனினும் இதுகுறித்த அதிகாரப்பூர்வமான அறிவிப்பு ஏதும் இதுவரை வெளியிடப்படவில்லை.

நாளை பிற்பகல் தனி விமானத்தில் தமிழகம் வரும் அத்வானி, நாளை இரவே டெல்லி திரும்புவார் என்று பாஜக தரப்பில் தெரிவிக்கப்பட்டுள்ளது.