சம்ஜௌதா தொடர்வண்டியில் குண்டுவைத்த தீவிரவாதி கைது

by **முஸ்லிம்** Mon Feb 13, 2012 6:49 pm

சம்ஜௌதா விரைவு தொடர்வண்டி குண்டு வெடிப்பில் சம்பந்தப்பட்ட தீவிரவாதியை காவல்துறையினர் கைது செய்துள்ளனர்.

கடந்த 2007 ஆம் ஆண்டு பிப்ரவரி 18 ஆம்
திகதி டில்லியில் இருந்து லாகூருக்கு சென்ற இந்த தொடர்வண்டியில் இரண்டு
பெட்டிகளில் சக்தி வாய்ந்த குண்டுகள் வெடித்தது. இதில் 68 பேர்
பலியானார்கள். இந்த குண்டுகளை வைத்த கமல் சௌஹான் என்ற தீவிரவாதியை நேற்று
(12.02.2012) மத்தியபிரதேசம் மாநிலத்தில் உள்ள இந்தூரில் தேசிய புலனாய்வு
நிறுவனத்தினர் (NIA) கைது செய்துள்ளனர்.

டில்லியின் வெளிப்புறத்தில்
உள்ள கிரேட்டர் நோய்டா நீதிமன்றத்தில் அவர் கொண்டு செல்லப்பட்டுள்ளார்.
குண்டு வைத்ததை கமல் சௌஹான் ஒப்புக் கொண்டுள்ளார். இந்த வழக்கில் ஏற்கனவே
சுவாமி அஸீமானந்தா, பிரக்யா தாகூர் உள்ளிட்ட 6 தீவிரவாதிகள் மீது
குற்றப்பத்திரிகை தாக்கல் செய்யப்பட்டுள்ளது.