இஸ்ரேலியச் சிறையில் வாடும் பலஸ்தீன் பெண்

இஸ்ரேலிய ஆக்கிரமிப்பாளர்களால் சிறைப்படுத்தப்பட்டுள்ள பலஸ்தீனப் பெண்மணி ஸம்ஹா ஹிஜாஸ் கொலைக் குற்றத்திற்காகத் தண்டனை அனுபவித்துவரும் யூதப் பெண் கைதிகளோடு ஒரே சிறைக் கொட்டடியில் அடைத்து வைக்கப்பட்டுள்ளார் என மண்டேலா எனப்படும் சிறைக் கைதிகளுக்கான மனித உரிமைகள் அமைப்பு தெரிவித்துள்ளது.

அஸ்கலான் ஜெயிலில் உள்ள தன்னுடைய சகோதரர் யாஸிரைச் சந்திப்பதற்காகச் செல்லும்போது கைத்தொலைபேசி ஒன்றை எடுத்துச் சென்றமைக்காக 08. 02. 2011 அன்று ஸம்ஹா இஸ்ரேலிய ஆக்கிரமிப்புப் படையினரால் கைதுசெய்யப்பட்டுள்ளார் என மேற்படி அமைப்பைச் சேர்ந்த வழக்கறிஞர் புதைனா தக்மக் தெரிவித்துள்ளார். இத்தகைய ஒரு கைதியை கொலைக் குற்றவாளிகளோடு ஒன்றாக அடைத்து வைத்திருப்பது சர்வதேச சட்டவரம்புகளை மீறிய செயலாகும். இப்படிச் சின்னச் சின்னக் குற்றச்சாட்டுகளின் பேரில் கைதுசெய்யப்பட்டு இஸ்ரேலியச் சிறைகளில் வாடும் ஏராளமான பலஸ்தீனப் பெண்மணிகளும் சிறுவர்களும் உள்ளனர் எனினும், அவர்களைப் பற்றிய தகவல்கள் ஊடகங்களில் அவ்வப்போது மிக அரிதாகவே வெளிவருகின்றன.

ஸம்ஹாவின் இரண்டு சகோதரர்கள் இஸ்ரேலிய ஆக்கிரமிப்புச் சிறைகளில் உள்ளனர். அவர்களுள் யாஸிர் என்பவருக்கு ஆயுள் தண்டனையும் அடுத்த சகோதரர் ஹாஷிமுக்கு 10 ஆயுள் தண்டனைகளும் விதிக்கப்பட்டுள்ளமை குறிப்பிடத்தக்கது.

இந்நேரம்