இந்திய வீடுகளில் 18 ஆயிரம் டன் தங்கம்

by **முஸ்லிம்** Mon Dec 05, 2011 9:20 pm

புதுடெல்லி:இந்தியாவில்
உள்ள வீடுகளில் 18 ஆயிரம் டன் தங்கம் இருப்பதாக சர்வதேச ஆய்வு நிறுவனமான
மாக்வெயரின் சமீபத்திய அறிக்கை கூறுகிறது.

இது சர்வதேச தங்க இருப்பின் (global gold
stock) 11 சதவீதமாகும். இதன் மதிப்பு(worth) 950 பில்லியன் டாலராகும் (95
ஆயிரம் கோடி டாலர்). அதாவது 48.5 லட்சம் கோடி ரூபாய் மதிப்பு. இந்தியாவின்
மொத்த உள்நாட்டு உற்பத்தியின் பாதி அளவுக்கு துல்லியமானது.

தங்கம் மற்றும் தங்கக்கட்டிகளை மிகவும்
மதிப்பான சொத்தாக இந்திய குடும்பங்கள் கருதுகின்றன. நெருக்கடியான
சூழல்களில் கூட அவர்கள் தங்கத்தை விற்காமல் பாதுகாத்து வருகின்றனர் என அந்த
அறிக்கை கூறுகிறது. தங்கத்தின் விலை உயர்வும், தங்கத்தை பயனீட்டாளர்களின்
எண்ணிக்கை அதிகரித்ததும் தங்க சேகரிப்பு அதிகரிப்பதற்கான காரணமாக
கூறப்படுகிறது.

2010 ஜனவரிக்கும் 2011 செப்டம்பருக்கும்
இடையே தங்கத்தின் விலை 64 சதவீதம் அதிகரித்துள்ளது. விலை உயர்ந்தாலும்
பயனீட்டார்களின் எண்ணிக்கை அதிகரித்துக் கொண்டுதான் இருக்கிறது.

இந்திய வீடுகளில் 18 ஆயிரம் டன் தங்கம் Logoto