கத்தர் பெரிய மசூதிக்கு முஸ்லிம் அறிஞரின் பெயர்

கத்தர் நாடு தனது பெரிய பள்ளிவாசலுக்கு,
18 ஆம் நூற்றாண்டு முஸ்லிம் மத அறிஞரான இமாம் முஹம்மது இப்னு அப்துல்
வஹ்ஹாப் பெயரைச் சூட்டியுள்ளது. இவ்வாண்டின் தொடக்கத்தில் திறக்கப்பட்ட
புதிய பள்ளியாகும் இது.





கத்தரின் தேசிய பாரம்பரியத்தைப் பிரதிபலிப்பதாகவும் அதன் நாகரிக
மதிப்பீடுகளை உணர்த்துவதாகவும் இப்பெயரைச் சூட்டும்படி கத்தர் அமீர் ஷேக்
ஹமத் பின் கலீஃபா அல்தானி கேட்டுக்கொண்டதாக, கத்தர் நியூஸ் ஏஜென்சி (QNA)
தெரிவித்துள்ளது.

---

---

இஸ்லாம் மதத்தை அதன் தூய வடிவில் போதித்தவராகக்
கருதப்படும் இமாம் முஹம்மது இப்னு அப்துல் வஹ்ஹாப் 1703 - 1792 காலக்
கட்டங்களில் சவூதி அரேபியாவில் வாழ்ந்தவர். தமது காலத்தில், மத
வழிபாடுகளில் காணப்பட்ட புனைவுகளை நீக்கி "இறைவனுக்கும் பக்தனுக்கும் இடையே
இடைத்தரகர் இல்லை" என்றுரைத்து, இஸ்லாம் மதத்தை அதன் பழைய வடிவில்
மீட்டெடுத்தவர்.
கத்தரின் குவைர் ஏரியாவில் அமைந்துள்ள இப்புதிய; பெரிய
பள்ளியில் 10 ,000 பேர் ஒரே சமயத்தில் தொழுகை நடத்தலாம். மூன்று
அடுக்குகளாக, 19 ,550 ச.மீ பரப்பில் கட்டட அளவைக் கொண்டுள்ள இப்பள்ளி
மொத்தத்தில் 175,000 ச மீ பரப்பளவைக் கொண்டது.

இஸ்லாமிய பாரம்பரிய
கட்டடக் கலை அமைப்பில் அழகுற கட்டப்பட்டுள்ள இப்பள்ளியின் மேற்பகுதியில்
24 கும்பங்கள் (Domes) அமைக்கப்பட்டுள்ளன.