விக்கிலீக்ஸ் - பொறுத்திருந்து செயல்படுவோம் : இந்தியா!

விக்கிலீக்ஸ் வெளியிட்ட சர்ச்சைக்குரிய தகவல்களில் இந்தியா குறித்த விவகாரங்களில் பொறுத்திருந்து செயல்படுவோம் என்று இந்தியா அறிவித்துள்ளது. இத்தகவலை வெளியுறவுத்துறை இணையமைச்சர் ப்ரிநீத் கெளர் திங்களன்று டில்லியில் செய்தியாளர்களிடம் கூறினார்.

ஐநா சபை மற்றும் உலக நாடுகளின் தலைவர்களை அமெரிக்கத் தூதரகங்கள் உளவு பார்ப்பது குறித்து விக்கிலீக்ஸ் பரபரப்பு தகவல்களை வெளியிட்டுள்ளது. இதுகுறித்து வெளியுறவுத்துறை இணையமைச்சர் ப்ரிநீத் கெளரிடம் செய்தியாளர்கள் கேட்டபோது, விக்கிலீக்ஸ் தகவல்கள் மிகவும் உணர்வுப்பூர்வமானவை என்று கூறினார்.

அமெரிக்காவுடன் இந்தியாவுக்கு மிகச்சிறந்த உறவு உள்ளது. வி்க்கிலீக்ஸ் ஆவணங்கள் குறித்து அமெரிக்கா ஏற்கெனவே இந்தியாவை எச்சரித்திருந்தது. எனவே, கருத்து கூற இது சரியான நேரமில்லை. அமெரிக்காவுடன் நமது நட்பு மேலும் தொடர விரும்புகிறோம். இந்த விஷயத்தில் நாம் பொறுத்திருந்து என்ன செய்யலாம் என்பது குறித்து முடிவு எடுப்போம் என்றும் ப்ரிநீத் கெளர் கூறியுள்ளார்.

இந்நேரம்