அப்சல் குருவின் கருணை மனு குடியரசுத் தலைவருக்கு அனுப்பப்பட்டது!

by **முஸ்லிம்** Wed Aug 10, 2011 7:40 pm

நாடாளுமன்றத் தாக்குதல் வழக்கில் மரண தண்டனை விதிக்கப்பட்ட அப்சல் குருவின் கருணை மனு குறித்து இறுதி முடிவெடுக்க குடியரசுத் தலைவரின் செயலரிடம் அவரது மனு ஒப்படைக்கப்பட்டுள்ளதாக உள்துறை அமைச்சகம் கூறியுள்ளது.

அப்சல் குருவின் கருணை மனு ஜூலை 27, 2011ஆம் ஆண்டு அனுப்பப்பட்டுள்ளதாக உள்துறை இணை அமைச்சர் முல்லப்பள்ளி ராமச்சந்திரன் மாநிலங்களவையில் தெரிவித்தார்.

"அப்சல் குருவுக்கு மரண தண்டனை மீதான கருணை மனு குறித்து அரசு ஏன் விரைவாக நடவடிக்கை எடுக்கவில்லை" என்ற கேள்விக்குப் பதிலளிக்கையில் ராமச்சந்திரன் மேற்கண்டவாறு குறிப்பிட்டார்.

டிசம்பர் 2001ஆம் ஆண்டு நாடாளுமன்றத்தின் மீது நடத்தப்பட்ட தாக்குதல் தொடர்பாக அப்சல் குருவுக்கு மரண தண்டனை விதித்து 2004ஆம் ஆண்டு தீர்ப்பளிக்கப்பட்டது. அவரது மனைவி தாக்கல் செய்த கருணை மனுவால் அப்சல் குருவின் மரண தண்டனையை நிறைவேற்றுவதில் தாமதம் ஏற்பட்டுள்ளது.

இந்நேரம்