பொருளாதார நெருக்கடியால் அமெரிக்க இளைஞர்கள் அதிகளவில் பாதிப்பு

அமெரிக்காவில் ஏற்பட்டுள்ள பொருளாதார நெருக்கடிகளால் அங்குள்ள இளைஞர்கள்தான் அதிகமாக பாதிக்கப்படுவதாக தெரிய வந்துள்ளது.





பியு ஆய்வு மையம் நடத்திய ஆராய்ச்சியில் இந்தத் தகவல் வெளியாகியுள்ளது.
அமெரிக்காவில் ஏற்பட்டுள்ள வேலை வாய்ப்பின்மையால் அங்கு அதிகமாக இளைஞர்கள்
பாதிக்கப்பட்டுள்ளதாக இந்த ஆய்வில் தெரிய வந்துள்ளது. 18 வயது முதல் 34
வயது வரை உள்ள பிரிவில் உள்ளவர்களில் 54 சதவிகித மக்களுக்கு மட்டுமே வேலை
இருக்கிறது. 1948 ஆம் ஆண்டிலிருந்து கணக்கெடுத்ததில் தற்போதுதான் அதிகளவில்
இந்தப்பிரிவில் வேலைவாய்ப்பின்றி காணப்படுகின்றனர்.

”பொருளாதார நெருக்கடிக்கு பின்பு அமெரிக்க இளைஞர்கள் மன நிம்மதி
குறைந்து காணப்படுவதாக” பியு ஆய்வு மையத்தின் இணை இயக்குநர் கிம் பார்க்கர்
தெரிவித்துள்ளார். ”இதனால்தான் வால்ஸ்டீரிட் பகுதியில் நடைபெற்ற
ஆர்ப்பாட்டத்தில் இளைஞர்கள் அதிகளவில் கலந்து கொண்டதாகவும்” அவர்
குறிப்பிட்டுள்ளார்.

அமெரிக்காவின் பெடரல் ரிசர்வ் தலைவர் பென் பெர்னாங்கேயும் அமெரிக்காவின்
பொருளாதார நிலைமை குறித்து கவலை தெரிவித்துள்ளார். பென் பெர்னாங்கேயும்
அமெரிக்காவின் பொருளாதார நிலைமை குறித்து கவலை தெரிவித்துள்ளார்.