காஸ்ஸாவில் பாதிக்கும் மேற்பட்ட மக்கள் வேலையில்லாமல் திண்டாடுவதாக ஐ.நா அறிக்கை கூறுகிறது.

2010-ஆம் ஆண்டின் புள்ளிவிபரப்படி 45.2 சதவீதம் பேருக்கு வேலை இல்லை.அதேவேளையில் வேலை செய்வோருக்கு கிடைக்கும் சம்பளத்தில் பெருமளவில் குறைவு ஏற்பட்டுள்ளதாகவும் ஐ.நா அறிக்கை கூறுகிறது.காஸ்ஸாவின் மீது இஸ்ரேலின் அநீதமான தடையினால் இறக்குமதியும், ஏற்றுமதியும் ஸ்தம்பித்து போனது.தொழிற்சாலைகள் முடங்கிவ்ட்டன.இதனால் வேலையில்லாதவர்களின் எண்ணிக்கை அதிகரித்துவிட்டது.

ஹமாஸ் பதவியேற்றதை தொடர்ந்து இஸ்ரேல் தடையை அறிவித்தது.தனியார் துறையை தடை கடுமையாக பாதித்தபொழுது ஹமாஸ் அரசு ஏராளமானோருக்கு பொதுத்துறையில் வேலை வாய்ப்புகள் வழங்கியதாக அறிக்கை சுட்டிக்காட்டுகிறது.ஃபலஸ்தீன் அகதிகளை தடையும், வேலையில்லா திண்டாட்டமும் அதிகமாக பாதித்துள்ளதாக ஐ.நாவின் ரிலீஃப் ஏஜன்சி செய்தித்தொடர்பாளர் கிறிஸ்டோபர் கன்னஸ் தெரிவித்துள்ளார்.

ஹமாஸின் செல்வாக்கை இழக்க செய்வதற்காக இஸ்ரேல் தடையை விதித்தபொழுதிலும் கூடுதலான வேலைவாய்ப்புகளை உருவாக்கி ஹமாஸ் மக்களின் ஆதரவை நிலைநிறுத்துவதாகவும் கிறிஸ்டோபர் விவரிக்கிறார்.தடையின் மூலமாக காஸ்ஸாவின் மக்களை ஒட்டுமொத்தமாக இஸ்ரேல் தண்டித்துக்கொண்டிருப்பது குறித்து ஐ.நா வட்டாரங்கள் கவலையை வெளிப்படுத்தியுள்ளன.